Fel arfer, mae eich cyfnod cyfrifyddu yn dechrau o'r dyddiad y mae eich hunangyflogaeth yn dechrau, ac fel arfer mae'n rhedeg o'r dyddiad hwn am gyfnod o 12 mis.
Er enghraifft, os gwnaethoch chi ddechrau ar 14 Tachwedd, byddai eich cyfnod cyfrifyddu yn rhedeg am 12 mis, tan 13 Tachwedd y flwyddyn ganlynol.
Fodd bynnag, mae CThEM yn rhedeg eu cyfnod cyfrifyddu 'safonol' o 6 Ebrill tan 5 Ebrill y flwyddyn ganlynol, sy'n golygu y gall cael dyddiadau gwahanol ar eich cyfnod cyfrifyddu eich hun i rai CThEM achosi dryswch. Gallwch weld enghreifftiau o flynyddoedd treth yma .
Fel unig fasnachwr, gallwch newid eich dyddiad cyfrifyddu at ddibenion treth ar eich ffurflen dreth hunanasesu. Wrth gwblhau'r ffurflen ar gyfer eich cyfnod byrrach, gallwch ddarparu dyddiadau eich blwyddyn dreth 'fyr' a ddigwyddodd cyn symud i'r cyfnod safonol o 12 mis.
Efallai y bydd angen i chi roi rheswm byr pam mae'r newid yn digwydd – gallwch chi roi gwybod yn syml eich bod chi'n symud i gyfnod y flwyddyn dreth safonol.
Sylwadau (0)