Gall y rhan fwyaf o bobl ennill rhywfaint o log ar eu cynilion heb dalu unrhyw dreth. Mae lwfansau yn cynnwys pethau fel y Lwfans Cynilion Personol.
Cyfradd gychwynnol ar gyfer cynilion
Efallai y byddwch hefyd yn cael hyd at £5,000 o log heb orfod talu treth arno. Dyma'ch cyfradd gychwynnol ar gyfer cynilo.
Po fwyaf y byddwch chi'n ei ennill o incwm arall (er enghraifft eich cyflog neu bensiwn), y lleiaf fydd eich cyfradd gychwynnol ar gyfer cynilo.
Os yw eich incwm arall yn £17,570 neu fwy
Nid ydych chi'n gymwys ar gyfer y gyfradd gychwynnol ar gyfer cynilion os yw'ch incwm arall yn £17,570 neu fwy.
Os yw eich incwm arall yn llai na £17,570
Eich cyfradd gychwynnol ar gyfer cynilion yw uchafswm o £5,000. Mae pob £1 o incwm arall uwchlaw eich Lwfans Personol yn lleihau eich cyfradd gychwynnol ar gyfer cynilion o £1.
Lwfans Cynilo Personol
Gan ddibynnu ar ba fand treth incwm rydych chi ynddo, efallai y byddwch chi'n derbyn hyd at £1,000 mewn llog ar gynilion ac ni fydd angen i chi dalu unrhyw dreth arno. Gelwir hyn yn Lwfans Cynilion Personol.
| Band Treth Incwm | Lwfans Cynilo Personol |
|---|---|
| Cyfradd sylfaenol | £1,000 |
| Cyfradd uwch | £500 |
| Cyfradd ychwanegol | £0 |
Llog wedi'i gynnwys gan eich lwfans
Mae eich lwfans yn berthnasol i log o:
- cyfrifon banc a chymdeithas adeiladu
- cyfrifon cynilo ac undebau credyd
- ymddiriedolaethau uned, ymddiriedolaethau buddsoddi a chwmnïau buddsoddi agored
- benthyca rhwng cyfoedion
- cronfeydd ymddiriedolaeth
- yswiriant diogelu taliadau (PPI)
- bondiau llywodraeth neu gwmni
- taliadau blwydd-dal oes
- rhai contractau yswiriant bywyd
Nid yw cynilion mewn cyfrifon di-dreth (megis ISAs a rhai cyfrifon Cynilion a Buddsoddiadau Cenedlaethol) yn cyfrif tuag at y lwfans.
Llog ar gyfrifon ar y cyd
Byddai llog yn cael ei rannu'n gyfartal rhwng deiliaid y cyfrif.